Ադրբեջանի կողմից Իրանին որևէ սպառնալիք չի լինի. այս մասին հայտարարել է Ադրբեջանի նախագահ Իլհամ Ալիևի օգնական Հիքմեթ Հաջիևն Իրանի նախագահ Մասուդ Փեզեշքիանի խորհրդական Մեհդի Սանաիի հետ հանդիպմանը:
Նա ընդգծել է երկկողմ հարաբերությունների ընդլայնման անհրաժեշտությունը:
Հաջիևի խոսքով՝ Ադրբեջանը շահագրգռված է զարգացնել Իրանի հետ քաղաքական, տնտեսական և մշակութային կապերը բարիդրացիության ոգով, առանց որևէ սահմանափակումների և փոխշահավետ հիմքերի վրա, ուստի երկու երկրների հարաբերությունների առանցքային կետը վստահության ամրապնդումն ու թյուրիմացությունների վերացումն է։
Իր հերթին, Իրանի նախագահի խորհրդական Մեհդի Սանաին ասել է, որ երկու երկրների հարաբերությունների մակարդակը պետք է դուրս գա զուտ դիվանագիտական ձևաչափից և տարածվի այլ պետական և մասնավոր հատվածների վրա։
