🎦Ստամբուլում կաուչուկի գործարան է այրվում

Ստամբուլում այրվում է կաուչուկի գործարան, հայտնում են թուրքական ԶԼՄ–ները։

Նշվում է, որ Բաշաքշեհիրի արդյունաբերական գոտում երկհարկանի արտադրամասում հրդեհ է բռնկվել։ Դեպքի վայր են մեկնել բազմաթիվ հրշեջներ, ոստիկաններ և բժշկական խմբեր։

Հրդեհը մարելու համար աշխատում է 66 մարդ և 19 միավոր տեխնիկա։ Հրշեջ-փրկարարները փրկել են շենքի տանիքում արգելափակված երեք մարդու։