Քանյե Ուեսթի հագուստի կայքը դադարեցրել է աշխատանքը. պատճառը հայտնի է

Քանյե Ուեսթի Yeezy կայքը փակվել է՝ կայքում վաճառվող սվաստիկայով շապիկի հետ կապված արձագանքից հետո:

Փետրվարի 11-ի դրությամբ կայքը անջատված էր և այն փոխարինվել է հետեւյալ հաղորդագրություններով՝ «Ինչ-որ բան այնպես չգնաց» և «Այս խանութը հասանելի չէ»:

 Shopify-ի խոսնակը, որը մշակում է կայքում պատվերները, ասել է PEOPLE-ին, որ Ուեսթի առցանց խանութը «չի զբաղվում իրական առևտրային պրակտիկայով և խախտում է մեր պայմանները, ուստի մենք այն հեռացրել ենք Shopify-ից»: «Բոլոր առևտրականները պատասխանատու են մեր հարթակի կանոններին համապատասխանելու համար», — ասվում է առցանց հարթակի հայտարարության մեջ:

2025 թվականի Super Bowl-ի ժամանակ, կիրակի օրը՝ փետրվարի 9-ին, ռեփերը թողարկել է 30 վայրկյան տևողությամբ գովազդային հոլովակ, որտեղ նա տեսանկարահանում էր իրեն՝ նստած ատամնաբույժի բազկաթոռին: «Ես իմ ամբողջ գովազդային գումարը ծախսեցի այս նոր ատամների վրա»,- ասել է Ուեսթը։ «Ուստի ես ստիպված էի նորից նկարել իմ iPhone-ով»:

Այնուհետև «Runaway»-ի  երգիչը հեռուստադիտողներին հորդորել է այցելել իր առցանց խանութը՝ Yeezy.com, որը երեքշաբթի օրվա դրությամբ վաճառում էր ընդամենը մեկ ապրանք՝ սպիտակ շապիկ՝ սև սվաստիկայով: