Հայաստանում ինտերնետ խարդախության կասկածանքով երկու զանգերի կենտրոնի ավելի քան 40 աշխատակից է բերման ենթարկվել։ Այս մասին նշվում է Ղազախստանի ՆԳՆ հաղորդագրության մեջ:
Հաղորդվում է, որ նրանց զոհերը եղել են ղազախներ և եվրոպական երկրների բնակիչներ, ուստի գործողությանը մասնակցել է ղազախական ոստիկանությունը։
«Հայտնաբերվել և կալանավորվել են անդրազգային հանցավոր խմբի կազմակերպիչները և անդամները, որոնք զբաղվում էին ինտերնետ խարդախությամբ Ղազախստանի և եվրոպական երկրների քաղաքացիների նկատմամբ, որոնք զոհերին առաջարկում էին գումարներ ներդնել ենթադրաբար խոշոր ներդրումային ընկերություններում», — ասվում է հաղորդագրությունում։
Ընդհանուր առմամբ, ոստիկանությունը բերման է ենթարկել 41 անձի, որոնք Հայաստանի, Վրաստանի, Իրանի, Սիրիայի և Լիբանանի քաղաքացիներ են։ Նրանցից առգրավվել է 5 ավտոմեքենա՝ 30.000 դոլար, ռուսական ռուբլի, վրացական լարի և կրիպտոարժույթով սառը դրամապանակ (սարք, որը պահում է բանալիներ՝ թվային փողին հասանելիություն ունենալու համար)։
Նշվում է, որ Հայաստանի քննչական կոմիտեն Ղազախստանի Հանրապետության ներքին գործերի նախարարության հետ համատեղ պարզում է դեպքի բոլոր հանգամանքները և ղազախստանցիներին պատճառված վնասի չափը։
