Այսօր խորհրդարանական ճեպազրույցի ժամանակ ԱԳ նախարարի տեղակալ Պարույր Հովհաննիսյանը՝ անդրադարձավ խաղաղության համաձայնեցված փաստաթղթին` ասելով, որ Բաքուն շարունակում է նախապայմանների լեզվով խոսել:
Նա խոսեց նաև միջազգային արձագանքների մասին, այն, որ արդեն 58 երկիր, 10 միջազգային կազմակերպություններ ողջունել են գործընթացը, շատերը նշել են Հայաստանի կարևոր դերն այս հարցում:
«Մենք նաև հայտարարեցինք, որ պատրաստ ենք քննարկել ստորագրման հետ կապված բոլոր գործընթացները: Այդ հայտարարությանը դեռևս չկա արձագանք»,- ասաց նա:
Դիտարկմանը, թե վերջին շրջանում Ադրբեջանի գործողություններն ու հայտարարություններն ավելի ագրեսիվ են դարձել, ԱԳ նախարարի տեղակալը պատասխանեց. «Սա նոր գորճելաոճ չէ: Թե՛ անցած տարի, թե՛ նախանցած տարի բազմաթիվ էին նման հայտարարությունները, որ Հայաստանը խախտում է զինադադարը, ինչ-որ գործողություններ է կատարում:
Հիմա, իհարկե, շատ կարևոր գործիք ունենք, դիտորդներն են, որոնք արձագանքեցին թե այս դեպքում, թե նախկինում, և միջազգային հանրությունը գիտակցում է, որ կեղծ հայտարարությունները չեն նպաստում որևէ դրական գործընթացի»:
Դոնալդ Թրամփը ցուցադրել է ԱՄՆ
