Կա տեքստ, և այդ տեքստը պատրաստ է ստորագրման: Մենք առաջարկում ենք ադրբեջանական կողմին խորհրդակցություններ սկսել դրա ստորագրման վայրի ու ժամկետների շուրջ: Այս մասին լրագրողների հետ ճեպազրույցի ժամանակ ասաց ԱԺ փոխնախագահ Ռուբեն Ռուբինյանը՝ անդրադառնալով Հայաստանի և Ադրբեջանի միջև համաձայնեցված փաստաթղթին:
Ռուբինյանը հիշեցրեց, որ երկար ամիսներ ու տարիներ բանակցություններ են ընթացել խաղաղության պայմանագրի տեքստի համաձայնեցման շուրջ, և վերջում կողմերը եկել են մի հանգրվանի:
Անդրադառնալով հարցին, թե ինչի է հայկական կողմը համաձայնեցման մասին ադրբեջանական կողմից տեղեկանում՝ Ռուբինյանը պարզաբանեց. «Երբ տեքստը համաձայնեցվել է, ՀՀ ԱԳՆ-ն առաջարկել է Ադրբեջանի ԱԳՆ-ին համատեղ հայտարարությամբ հանդես գալ տեքստի՝ համաձայնեցված փաստի վերաբերյալ, բայց ադրբեջանական կողմը նախընտրել է միակողմանի հայտարարություն անել»:
Սիսիանում փոփոխություններն ակնառու են
