Իմպլանտի միջոցով հնարավոր կլինի վերականգնել ի ծնե կույրերի տեսողությունը

Neuralink ընկերությունն առաջին անգամ մարդուն կփոխպատվաստի Blindsight տեսողական իմպլանտը, որը կօգնի տեսողության խնդիրներ ունեցող մարդկանց; Դա կարող է տեղի ունենալ 2025 թվականի վերջին, հաստատել է ամերիկացի գործարար Իլոն Մասկը, որին պատկանում է Neuralink-ը։ Այս մասին գրում է ՌԻԱ «Նովոստի»-ն:

Իլոն Մասկն այս հայտարարությունն արել է կիրակի Վիսկոնսինում կայացած համաժողովի ժամանակ։ Հրապարակմանը կցված է նաև իմպլանտի նկարը։

2024 թվականի սեպտեմբերին Մասկը ասել էր, որ Neuralink տեսողական իմպլանտն ի ծնե կույր մարդկանց թույլ կտա տեսնել:

Մասկի խոսքով՝ սկզբում պատկերի որակը ցածր կլինի, ինչպես Atari խաղային հարթակների գրաֆիկան, սակայն ապագայում սարքը թույլ կտա տեսողություն ունենալ ինֆրակարմիր և ուլտրամանուշակագույն սպեկտրում և կկարողանա ընդունել ռադարի ալիքի երկարությունները։