Թրամփը ՀՀ-ի համար 10 % մաքսատուրք է սահմանել

ԱՄՆ նախագահ Դոնալդ Թրամփը, ելույթ ունենալով Սպիտակ տանը, հայտարարել է, որ մաքսատուրքեր է սահմանում ԱՄՆ ներմուծվող ապրանքների վրա՝ ապրիլի 2-ն անվանելով «Ազատագրման օր», գրում է CNN-ը։

Թրամփը հայտարարել է, որ «սա ամենակարևոր օրերից մեկն է» ամերիկյան պատմության մեջ։ «Դա մեր տնտեսական անկախության հռչակագիրն է», – ասել է Թրամփը՝ նշելով, որ Միացյալ Նահանգները մաքսատուրքերից գոյացած գումարները կօգտագործի «հարկերը նվազեցնելու և  պետական ​​պարտքը մարելու համար»:

«Տարիներ շարունակ աշխատասեր ամերիկացիները ստիպված են եղել կողք կողքի նստել, մինչդեռ մյուս երկրները հարստացել և հզորացել են՝ հիմնականում մեր հաշվին: Բայց հիմա բարգավաճման մեր հերթն է»,- ասել է Թրամփը։ Իր ելույթի ընթացքում Թրամփը ցույց է տվել աղյուսակը, որտեղ ներկայացված է երկրների ցանկը և տուրքերի չափը, որոնք սահմանվում են․

Մոլդովա — 31%

Ղազախստան — 27%;

Հայաստան՝ 10%;

Ադրբեջան՝ 10%;

Վրաստան — 10%;

Ուզբեկստան — 10%;

Թուրքմենստան — 10%;

Ղրղզստան — 10%;

Տաջիկստան — 10%;

Ռուսաստանը նշված չէ ցուցակում։