Դոնալդ Թրամփը ցուցադրել է ԱՄՆ քաղաքացիության ոսկե քարտը
ԱՄՆ նախագահ Դոնալդ Թրամփը ներկայացրել է «ոսկե քարտի» դիզայնը, որը հարուստ օտարերկրյա ներդրողներին հնարավորություն կտա ստանալ ԱՄՆ քաղաքացիություն, եթե նրանք 5 միլիոն դոլարի ներդրումներ կատարեն։ Թրամփը նշել էր «ոսկե քարտ» ծրագիր գործարկելու իր մտադրությունները դեռ փետրվարին։
«5 միլիոն դոլարով սա կարող է լինել ձերը: Գիտե՞ք ինչ է այս քարտը, դա Թրամփի քարտն է»,- ասել է նախագահը՝ ցույց տալով իր դիմանկարով ոսկեգույն քարտը:
Թրամփի խոսքով՝ «ոսկե քարտի» ձեռքբերման հասանելիությունը ներդրողների համար բաց կլինի մոտ երկու շաբաթ հետո։
