Սյունիքի մարզի Աղվանի-Տաթև միջպետական ճանապարհահատվածում կա 270 կուտակված բեռնատար ավտոմեքենա, տեղեկությունը փոխանցում է ՀՀ արտակարգ իրավիճակների նախարարությունը։
«Սյունիքի մարզի Վերին Խոտանան-Տաթև ավտոճանապարհին առկա է մերկասառույց։ Ապարանի տարածաշրջանում, Բերդ և Ճամբարակ քաղաքներում, Լանջիկ-Մաստարա ավտոճանապարհին, Սյունիքի մարզի բարձրադիր գոտիներում մառախուղ է»,-նշվում է հաղորդագրությունում։
Ավելի վաղ տեղեկացրել էինք, որ այսօր և վաղը՝ ցերեկային ժամերին, Մ-2-Աղվանի-Տաթև-Մ-2 միջպետական ճանապարհահատվածով երթևեկությունը կկազմակերպվի պարբերաբար ընդհատումներով և որոշակի սահմանափակումներով։ Թեթև մարդատար ավտոմեքենաների համար գործելու է Նորավան-Լծեն-Տաթև այլընտրանքային ավտոճանապարհը:
